Ուրոլոգիական ծառայություններ
Միզասեռական համակարգի հիվանդությունների ախտորոշում, դեղորայքային և վիրահատական բուժում, ներառյալ՝ էնդոսկոպիկ միջամտություններ։ Բաժանմունքը զբաղվում է երիկամների, միզապարկի, միզածորանների և շագանակագեղձի պաթոլոգիաների վարմամբ։ Իրականացվում են միզաքարային հիվանդության հեռահար և կոնտակտային քարափշրումներ, ինչպես նաև բարորակ գերաճի (ադենոմա) և ուռուցքային գոյացությունների հեռացում։ Էնդոսկոպիկ եղանակի կիրառումը թույլ է տալիս նվազագույնի հասցնել միջամտության տրավմատիկ աստիճանը։ Բուժման պլանը կազմվում է գործիքային հետազոտությունների՝ ՈՒՁՀ, ռենտգեն և համակարգչային տոմոգրաֆիայի տվյալների հիման վրա՝ ապահովելով միզարձակման ֆունկցիայի վերականգնումը։

ՀՏՀ
Ստորև կարող եք ծանոթանալ մեր գործունեությանը, ծառայություններին և ընդհանուր ընթացակարգերին վերաբերող հիմնական հարցերի պատասխաններին։
Որտե՞ղ է գտնվում Երևան Բժշկական Կենտրոնը և ինչպե՞ս կարող եմ հասնել այնտեղ։
Երևան Բժշկական Կենտրոնը գտնվում է Բագրատունյաց 1 հասցեում։ Կենտրոնը հասանելի է ինչպես հասարակական տրանսպորտով, այնպես էլ անձնական մեքենայով։
Ինչպե՞ս կարող եմ կապ հաստատել Կենտրոնի հետ։
Մենք հասանելի ենք 24/7 ռեժիմով։ Ցանկացած հարցի կամ տեղեկատվության համար կարող եք զանգահարել 010 42 03 00 հեռախոսահամարով։
Ո՞ր ժամերին է աշխատում Երևան Բժշկական Կենտրոնը։
Երևան Բժշկական Կենտրոնը գործում է շուրջօրյա՝ շաբաթը 7 օր, ներառյալ հանգստյան և տոն օրերը։
Ինչպե՞ս կարող եմ գրանցվել կամ հերթագրվել բժշկի մոտ այցի համար։
Այցելություն պլանավորելու համար զանգահարեք ընդունարան՝ 010 42 03 00 հեռախոսահամարով։ Մեր աշխատակիցները կօգնեն ընտրել մասնագետ և հարմար ժամ։
Ի՞նչ փաստաթղթեր են անհրաժեշտ Կենտրոն ընդունվելիս կամ բժշկի մոտ այցելելիս։
Անհրաժեշտ է ներկայացնել անձը հաստատող փաստաթուղթ։ Ապահովագրություն ունենալու դեպքում խնդրում ենք նաև ներկայացնել ապահովագրական քարտը։
Ո՞ր ժամերին է գործում Կենտրոնի լաբորատորիան։
Լաբորատոր հետազոտությունների ժամերն ու նախապատրաստման պայմանները խնդրում ենք նախապես ճշտել ընդունարանից։
Կարո՞ղ են հարազատները այցելել հիվանդներին։
Այցելությունների կարգը կախված է բաժանմունքից և պացիենտի վիճակից։ Մանրամասները խնդրում ենք ճշտել տվյալ բաժանմունքից։
Ի՞նչ ծառայություններ է մատուցում Երևան Բժշկական Կենտրոնը։
Կենտրոնը տրամադրում է ախտորոշիչ, ամբուլատոր, ստացիոնար և վիրաբուժական ծառայությունների լայն շրջանակ։
Արդյո՞ք Կենտրոնն աշխատում է ապահովագրական ընկերությունների հետ։
Ապահովագրական ծրագրի հասանելիությունը խնդրում ենք ճշտել Ձեր ապահովագրողի կամ Կենտրոնի ընդունարանի հետ։